الام (الدايخه ) : هاذي الساعه المباركه ... من باجر ادور لك .
عريس الغفله : المواصفات.... بيضاء .. طويله .. شعرها ناعم ..تشتغل .. عندها سياره ..
و اهم شئ حاجه فرضها !!!!
الام (الدايخه ) : تدلل !!!!!!!!!
عريس الغفله : على راحتج .. انا مسافر مع الربع قبل الحكره :@
الام : حارسك ربي من العين :>
الام الدايخه : عاد ولدي اسم الله عليه ريال .. سألوا عنه :@
ام العروس ( الدايخه الثانيه ) : الله يهداج بس .. ياخزياه .. احد يسأل عن ولده ؟
بس تدرين لازم اسأل البنيه .
ام المعرس : اخذي راحتج على ما يرجع اسم الله عليه من الدوره .
ام العروس : يارب يكتب وليدج من نصيب بنتي.
ام العروس : ليش لا ؟
العروس : يما ما يشتغل ؟ و ما عنده شهاده ؟
ام العروس : رجل اعمال .. شنو يبي في الشهاده ؟؟؟؟؟
العروس : اقابله اول .
المعرس : وين تشغلين ؟
العروس : في وزارة ........
المعرس : عيل عقب الكادر جم صار معاشج ؟
العروس : ليش ؟
المعرس : عشان بيت العمر ... حبيبتي ♥
فجأه ام المعرس تتدخل : اسم الله عليه ولدي عنده خير ما يحتاج .
ام العروس : الله يتمم على خير :-)
المعرس : مبروك حياتي :-*
العروس : احبك :-*
المعرس : عمري وين تحبين شهر العسل ؟
العروس : اي مكان ...المهم معاك ♡
المعرس : روحي ... بقى من المهر ؟
العروسه : ليش ؟
المعرس : حبي ... عشان تحجزين لنا ..♥
العروس : يغمى عليها :-(
في السنه العاشره من الزواج ....
اليهال خمسة اطفال يلعبون ... بحراسة ثلاث خادمات
العروس الام : الغساله خربانه .. و نبي حليب و توست ؟
المعرس الاب : حبيبتي .. عاد هذا وقته ؟ الربع ناطرين !!!!
العروس الام : والله تعبانه ... دوام ..و تدريس اليهال .. :'(
المعرس الاب : حياتي عندج خدم ليش متعبه نفسج .. الحين امسح فيهم الارض .. الخدم و اليهال
محد يأذي مدام .. اوكي ؟
الخدم : اوكي سير !
اليهال ساكتين يطالعون العصى
ياويل اللي اسمع انه اذى امه ... يلا كل واحد في داره ....
المعرس الاب يسنع غترته : تبين شئ حبيبتي ؟
العروس الام : معاشي خلص ؟
المعرس الاب : يومين على آخر الشهر !
العروس الام : ما عندك ؟
المعرس الاب : تدرين ...اﻻزمه الماليه العالمية ...؟؟؟؟؟ :-$
العروس الام : عيل اخذ من ابوي ؟
المعرس الاب : ارتاحي الحين ...باجر وراج دوام :-*
المعرس الاب يخرج ... العروس الام تبحث عن دوائها المهدئ ... و حبوبها المنومه .
أسماء إبراهيم مكي
@littlemomsgroup
ليست هناك تعليقات:
إرسال تعليق